Ağcabədi seçiciləri ilə növbəti görüş

Yeni Azərbaycan Partiyası  Ağcabədi rayon təşkilatı 23 dekabr 2014-cü il tarixdə keçiriləcək bələdiyyə seçkiləri ilə əlaqədar təbliğat-təşviqat kompaniyası çərçivəsində Ağcabədi rayon "Qarabağ Muğam Mərkəzində " seçicilərlə növbəti görüş keçirmişdir.
Görüşdə YAP Mərkəzi Aparatının səlahiyyətli nümayəndələri Kərim Kərimov və Araz Xudadanov iştirak edirdilər.
Tədbiri giriş sözü ilə YAP Ağcabədi rayon təşkilatının sədri Rövşən Əhmədov açaraq Bələdiyyə seçkiləri ilə əlaqədar təşkilatın gördüyü işlər barədə ümumi məlumat verdi. Yeni Azərbaycan Partiyası idarə heyətinin üzvü Kərim Kərimov çıxış edərək ölkəmizdə  həyata keçirilən proseslərdə bələdiyyələrin də böyük rolu olduğunu diqqətə çatdırmış, həmçinin sıralarında ictimaiyyətin bütün təbəqələrini birləşdirən YAP-ın Ümummilli Lider Heydər Əliyevin parlaq  ideyalarının daşıyıcısı kimi cəmiyyətdə öz aparıcı rolunu gündən-günə daha da  möhkəmləndirdiyini vurğulamışdır. Natiq bu gün ölkə Prezidenti cənab İlham Əliyevin həyata keçirdiyi siyasətin  xalqa xidmət etməsindən və  bu siyasətin mahiyyətinin Azərbaycan xalqının milli maraqlarına  hesablandığını qeyd etmiş, regionların sosial-iqtisadi inkişafı Dövlət Proqramı çərçivəsində bölgələrdə həyata keçirilən irimiqyaslı layihələrdən danışmış, həmçinin Prezidentin regionlara, o cümlədən Ağcabədi rayonuna səfərləri barədə apardığı tədqiqatların nəticələrini  seçicilərin diqqətinə çatdırmışdır. K.Kərimov onu da qeyd etdi ki, Ağcabədi rayonunda  gedən tikinti, abadlıq və  quruculuq işləri də böyük vüsətlə davam edir. O həmçinin  Ağcabədidə  əhalinin əvvəlki illərlə müqayisədə  həyat şəraitinin yaxşılaşmasının əyani şahidi olduğunu  görüş iştirakçılarının diqqətinə çatdırdı.
Görüşün sonunda   seçicilər adından Kamilə Zamanlı çıxış edərək partiya tərəfindən bələdiyyə üzvlyünə namizədlikləri irəli sürülmüş gənclərin və qadınların rayonun ictimai-siyasi həyatında fəal iştirak etdiyini, onların əhali araslnda yüksək nüfuza malik olmasından, buna görə də seçkilərdə qalib gəlmək şanslarının böyük olduğunu vurğulayaraq partiyanın onlara olan  etimadını doğruldacağına əminliyini  ifadə etmiş, onlara uğurlar arzulamışdır.

YAP Ağcabədi rayon təşkilatının aparat rəhbəri:   N.Bünyatov