Ağcabədidə “Çempionumuz” sosial idman layihəsi çərçivəsində məktəblilərlərə növbəti görüş keçirilmişdir.

10 mart 2022-ci il tarixdə Ağcabədi Rayon Gənclər və İdman İdarəsinin təşkilatçılığı ilə Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi və “Azərbaycan İdman Könüllüləri” İctimai birliyinin birgə təsdiq etdiyi əsasnaməyə uyğun olaraq Şirin Hüseynov adına şəhər 1 saylı tam orta məktəbdə “Çempionumuz” sosial idman layihəsi çərçivəsində Karate – do idman növü üzrə Azərbaycan Respublikasının Əməkdar Məşqçisi, 4-cü İslam Həmrəyliyi Oyunlarında Milli Hakim, Yetirmələri dəfələrlə dünya və avropa çempionu, Azərbaycan çempionu, beynəlxalq yarışların qalibi olmuş, Beynəlxalq dərəcəli 2-ci dan qara kəmər sahibi Qənbərov Eldəniz Surxay oğlu ilə məktəblillərin görüşü keçirilmişdir.

Tədbirdə rayon Gənclər və İdman İdarəsinin baş məsləhətçisi Zaur Turabov və Təhsil Şöbəsinin metodisti Baxşeyiş Məmmədov çıxış edərək “Çempionumuz” sosial idman layihəsinin məqsəd və vəzifələrini iştirakçıların nəzərinə çatdırmış eləcədə, yeniyetmə və gənclər arasında sağlam həyat tərzinin və idmanın təbliğ olunmasında xüsusi önəminin olduğunu qeyd etmişdirlər.

Sonra Eldəniz Qənbərov idmanda qazandığı uğurlar eləcədə həyat və fəaliyyəti barədə tədbir iştirakçılarına ətraflı məlumat vermiş, məktəbliləri maraqlandıran sualları cavablandırmış və şagirdlərlə xatirə şəkilləri çəkdirmişdir.