Ağcabədidə “Çempionumuz” sosial idman layihəsi çərçivəsində məktəblilərlərə növbəti görüş keçirilmişdir.

08 fevral 2022-ci il tarixdə Ağcabədi Rayon Gənclər və İdman İdarəsinin təşkilatçılığı ilə Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi və “Azərbaycan İdman Könüllüləri” İctimai birliyinin birgə təsdiq etdiyi əsasnaməyə uyğun olaraq Ağcabədi şəhər 1 saylı tam orta məktəbində “Çempionumuz” sosial idman layihəsi çərçivəsində Karate – do idman növü üzrə Azərbaycan Respublikasının Əməkdar Məşqçisi, 4-cü İslam Həmrəyliyi Oyunlarında Milli Hakim, Yetirmələri dəfələrlə dünya və avropa çempionu, Azərbaycan çempionu, beynəlxalq yarışların qalibi olmuş, Beynəlxalq dərəcəli 2-ci dan qara kəmər sahibi Qənbərov Eldəniz Surxay oğlu ilə məktəblillərin görüşü keçirilmişdir.

Tədbirin açılış mərasimində Ağcabədi Rayon Gənclər və İdman İdarəsinin aparıcı məsləhətçisi Şəmməd Şəmmədov, şəhər 1 saylı tam orta məktəbin müəllini vətən müharibəsi iştirakçısı Elgün Həsənov çıxış edərək “Çempionumuz” sosial idman layihəsinin yeniyetmə və gənclər arasında sağlam həyat tərzinin və idmanın təbliğ olunmasında xüsusi önəminin olduğunu qeyd etmişdirlər.

Sonra Eldəniz Qənbərov idmanda qazandığı uğurlar eləcədə həyat və fəaliyyəti barədə tədbir iştirakçılarına ətraflı məlumat vermiş, məktəbliləri maraqlandıran sualları cavablandırmış və şagirdlərlə xatirə şəkilləri çəkdirmişdir