Ağcabədidə “Yeniyetmə və gəncləri radikalizm və ekstremizm təhlükəsindən qoruyaq” mövzusunda videkonfrans keçirilmişdir.
15 dekabr 2021-ci il tarixdə Ağcabədi Rayon Gənclər və İdman İdarəsinin, Dini Qurumlarla İş üzrə Dövlət Komitəsinin Ağcabədi bölgəsi üzrə şöbəsinin və rayon təhsil şöbəsinin birgə təşkilatçılığı ilə Zoom proqramı vasitəsi ilə “Yeniyetmə və gəncləri radikalizm və ekstremizm təhlükəsindən qoruyaq” mövzusunda videkonfrans keçirilmişdir.
Videokonfransda Yeni Azərbaycan Partiyası Ağcabədi rayon təşkilatının əməkdaşları, Ağcabədi Pedaqoji Kollecinin tələbələri, Gənclərin İnkişafı və Karyera Mərkəzinin Ağcabədi nümayəndəliyinin könüllü gəncləri, rayonun ümumtəhsil məktəbinin müəllim və şagird kollektivi iştirak etmişdir.
Videokonfransı giriş sözü ilə açan Dini Qurumlarla İş üzrə Dövlət Komitəsinin Ağcabədi bölgəsi üzrə şöbəsinin müdiri Əlizadə Nəcəfov bəşəriyyəti narahat edən məsələlərdən olan dini radikalizm və onun fəsadları, cəmiyyətə vura biləcəyi zərbələrin acı nəticələri, habelə dini radikalizmə qarşı səmərəli mübarizə metodları barədə ətraflı danışıb.
Sonra Ağcabədi Rayon Gənclər və İdman İdarəsinin rəis müavini Eldəniz Qənbərov mühazirə ilə çıxış edərək, dini radikalizm, qeyri-ənənəvi dini cərəyanlar haqqında geniş məlumat verilib. Eldəniz Qənbərov qeyd edib ki, Prezident cənab İlham Əliyevin həyata keçirdiyi uğurlu daxili və xarici siyasət nəticəsində ölkəmizdə müxtəlif dinlərə etiqad edən insanlar qardaşlıq, dostluq və qarşılıqlı hörmət şəraitində yaşayırlar.
Videokonfransda çıxış edən Ağcabədi şəhər 9 saylı tam orta məktəbin müəllimi Lətafət Sadıqova, M.Əsədov adına şəhər 5 saylı tam orta məktəbin müəllimi Zeynəb Azadova, Ağcabədi Pedaqoji Kollecinin tələbəsi Elvina Qəhramanova dini radikalizmlə mübarizədə dini maarifləndirmə sahəsinə xüsusi diqqət ayrılmalı olduğunu, gənclərin dini radikal qrupların təsirinə düşmələrinin qarşısını almaq üçün dinin onlara düzgün şəkildə çatdırılmasının vacibliyini və radikalizmin qarşısının alınmasında təhsilin xüsusi önəmi olduğunu bildirdilər.
Çıxışlar zamanı xüsusi olaraq qeyd olundu ki, dini ekstremizmə qarşı mübarizədə vətəndaşlar dövlət orqanları ilə birlikdə fəal şəkildə iştirak etməli, bu sahədə ictimai nəzarətin formalaşdırılmasına öz töhfəsini verməlidirlər.
