İcra başçısı qalib idmançıları təbrik etdi
Ağcabədi Rayon İcra Hakimiyyətinin başçısı Rafil Hüseynov Taekvondo idman növü üzrə Avropa Birinciliyində uğurlu nəticə əldə etmiş taekvonduçuları qəbul etmişdir.
Görüşdə Ağcabədi Rayon İcra Hakimiyyəti yanında İctimai-siyasi və humanitar məsələlər şöbəsinin müdir müavini, dini qurumlarla işin təşkilatçısı Ceyhun Mamedov, rayon gənclər və idman idarəsinin rəisi Rüfət Quliyev, rayon təhsil şöbəsinin müdiri İsmayıl Həsənov iştirak ediblər.
Rayon rəhbəri mükafatçıları təbrik edərək, onlara uğurlar arzulayıb, hədiyyələr təqdim edib.
Qeyd edək ki, 25-27 avqust 2021 tarixlərdə Estoniyanın paytaxtı Tallin şəhərində keçirilən uşaq və yeniyetmələr arasında taekvondo idman növü üzrəAvropa birinciliyində milli yığma komandanın tərkibində iştirak edən Çingiz Həsənov 36 kq çəki dərəcəsində I yerə, yeniyetmələr arasında çıxış edən Vasif Səlimov 45 kq çəki dərəcəsində II yerə layiq görülmüşdür.
