Azərbaycan Gənclərinin IX Forumunun Qarabağ zonası üzrə toplantısı keçirilib.

16 dekabr 2020-ci il tarixdə Qarabağ zonası üzrə Goranboy  rayonunda keçirilmiş zona toplantısında Gənclər və İdman nazirinin müavini İntiqam Babayev, Millət vəkili Sevinc Hüseynova,  Azərbaycan Gənclər Fondunun icraçı direktorunun müavini Orxan Ərəbov, Səhiyyə Nazirliyinin İctimai Səhiyyə, İslahatlar Mərkəzinin (İSİM) həkim-mütəxəssisi Pervin  Quliyeva və Ağcabədi, Bərdə, Goranboy, Naftalan, Tərtər rayonundan olan gənclər iştirak ediblər.

300 nəfərə yaxın  gəncin  iştirakı ilə keçirilmiş zona toplantısını Goranboy  rayon Gənclər və İdman İdarəsinin rəisi Elşad Həsənov açaraq,  Azərbaycan Gənclərinin IX Forumunun Qarabağ zonası toplantısının mahiyyətindən söz açdı.
Rəsmilər zona toplantısında iştirak edən gənclərə dəyərli tövsiyələrini verdilər.
Ağcabədi rayonundan  Cavid Bünyadov , Bərdə  rayonundan Fidan Nəsirli, Goranboy rayonundan  Vüqar Xəlilov  , Naftalan şəhərindən Kəmalə Hüseynova , Tərtər rayonundan Orxan Müstafazadə  toplantıda çıxış  etdilər

Zona toplantısında Goranboy zonası üzrə Azərbaycan Gənclərinin IX Forumuna 62 nümayəndə seçildi.  Tədbir  Zona Toplantısının Qətnaməsinin  qəbulu ilə başa çatdı.

Qeyd edək ki, Azərbaycan Respublikasının Prezidenti cənab İlham Əliyevin 15 sentyabr 2017-ci il tarixli Sərəncamı ilə təsdiq edilmiş “Azərbaycan gəncliyi 2017-2021-ci illərdə” Dövlət Proqramının 5.7.1.-ci yarımbəndinin icrasının təmin edilməsi məqsədi ilə keçirilir.