Şuşa şəhərinin işğalının 22- ci ildönümü münasibəti ilə Ağcabədi şəhəri 4 saylı tam orta məktəbində tədbir keçirilmişdir.
07 may 2014-cü il tarixdə Ağcabədi şəhəri S. Vurğun adına 4 saylı tam orta məktəbində Şuşa şəhərinin işğalının 22 – ci ildönümü münasibətilə tədbir keçirilmişdir.
Tədbirdə ilk olaraq Azərbaycan Respublikasının Dövlət Himni səsləndirildi. Şəhər 4 saylı tam orta məktəbin direktoru Sadiq Əliyev açıq elan edərək, 1992-ci il mayın 8-nə keçən gecə mənfur erməni birləşmələrinin «dağlarda toy» adlandırdıqları Şuşa şəhərinin işğalı ilə bağlı əməliyyat barədə ətraflı məlumat verdi.
Çıxışdan sonra Şuşa şəhərini və onun işğalıni əks etdirən video çarxlar təqdim olundu.
Daha sonra çıxış edən digər qonaqlar Azərbaycanın füsunkar gözəl məkanı olan Şuşanın erməni qəsbkarları tərəfindən işğalından, bu həsrətin bitəcəyindən və Ali Baş Komandanın əmri ilə işğal altında bütün torpaqlarımızda azadlıq bayrağının tezliklə dalğalanacağına inandıqlarından bəhs etdilər.
Daha sonra məktəbin şagirdlərin hazırladıqları ədəbi –bədii kompozisiya tədbir iştirakçılarının diqqətinə çatdırıldı.
