Ağcabədi rayonunda Ümummilli Lider Heydər Əliyevin 91 illik yubileyi münasibəti ilə mini futbol üzrə rayon turniri keçirilmişdir.
30 aprel – 05 may 2014-cü il tarixlərində Ağcabədi rayonu Hindarx qəsəbəsində Gənclər və İdman İdarəsinin , YAP İcra Hakimiyyəti ərazi ilk partiya təşkilatının təşkilatçılığı ilə Azərbaycan xalqının Ümummilli Lideri Heydər Əliyevin 91 illik yubileyinə həsr olunmuş mini futbol üzrə məktəblilər arasında rayon turniri keçirilmişdir.
Turnirdə 17 komanda iştirak etmişdir. Mini futbol üzrə rayon turnirinin yekun nəticəsinə görə rayon C. Cəfərov adına Şərəfxanlı kənd tam orta məktəbin komandası I yerə , rayon E. İsmayılov adına Hindarx qəsəbə 1 saylı tam orta məktəbin komandası II yerə, M. Uluxanov adına Sarıcalı kənd tam orta məktəbin komandası III yerə layiq görülmüşdülər.
Azərbaycan xalqının Ümummilli Lideri Heydər Əliyevin 91 illik yubileyinə həsr olunmuş mini futbol üzrə rayon turnirinin qalibləri Gənclər və İdman İdarəsinin Fəxri fərmanı və qiymətli hədiyyələrlə mükafatlandırılmışdılar.
