Ağcabədi rayonunda akademik Zərifə Əliyevanın 91 illik yubileyinə həsr olunmuş tədbir keçirilmişdir.

30 aprel 2014-cü il  tarixdə saat 11:00 –da Ağcabədi rayon Mərkəzi xəstəxanasında Azərbaycan Respublikasının əməkdar elm xadimi, tibb elmləri doktoru, Azərbaycan Milli Elmlər Akademiyasının akademiki Zərifə Əliyevanın 91 illik yubileyi münasibəti ilə tədbir keçirilmişdir.
    Tədbiri giriş sözü ilə açan Rayon Mərkəzi xəstəxanasının baş həkimi Novruz Abbasov  akademik Zərifə Əliyevanın zəngin həyat və fəaliyyəti haqqında çıxış edərək ətraflı məlumat vermişdir. Daha sonra məruzə xəstəxananın həkimi Ülviyyə Məmmədova məruzə ilə çıxış edərək qeyd etmişdir ki, Zərifə xanım Əliyevanın elmi əsərləri, tədqiqatları yenə də aktualdır və onun XX əsrin ortalarında ölkədə yayılan traxoma xəstəliyinin qarşısının alınmasında göstərdiyi əvəzsiz xidmətlər tibb elminin inkişafında mühüm rol oynamışdır.
    Azərbaycan Respublikasının əməkdar elm xadimi, tibb elmləri doktoru, Azərbaycan Milli Elmlər Akademiyasının akademiki Zərifə Əliyevanın tələbələri olmuş digər çıxış edən həkimlər  görkəmli akademik, gözəl ana, qayğıkeş , böyük insan olan  Zərifə  xanım Əliyeva ilə bağlı xoş xatirələrini tədbir iştirakçıları ilə bölüşmüşdülər.
    Yekunda çıxış edən Ağcabədi Rayon İcra Hakimiyyəti Başçısının müavini - İctimai-siyasi və humanitar məsələlər şöbəsinin müdiri Əbülfət Tapdıqov görkəmli Z.Əliyevanın Azərbaycanda oftalmologiya elminin inkişafında müstəsna xidmətlərindən bəhs etmişdir.      
    Tədbirdə  130  nəfər  iştirak etmişdir .