31 mart 2014- cü il tarixdə Ağcabədi rayonunda 31 Mart – Azərbaycanlıların soyqırımı günü ilə bağlı ümumrayon tədbiri keçirilmişdir.
31 mart 2014 – cü il tarixdə saat 11:00 –da Ağcabədi rayonunda 31 Mart – Azərbaycanlıların Soyqırımı Günü ilə bağlı ümumrayon tədbiri keçirilmişdir.
Əvvəlcə tədbir iştirakçıları Şəhidlər Xiyabanında Qarabağ müharibəsi şəhidlərinini qəbirləri üzərinə tər qərənfil dəstələri düzmüş və onların ruhunu yad etmişlər.
Tədbir iştirakçıları erməni vəhşiliyinin qurbanı olan günahsız insanların xatirəsini bir dəqiqəlik sükutla yad etmişlər.
Daha sonra tədbir rayon Təhsil şöbəsinin iclas zalında davam etdirilmişdir.Tədbiri Ağcabədi Rayon İcra Hakimiyyəti Başçısının müavini - İctimai-siyasi və humanitar məsələlər şöbəsinin müdiri Əbülfət Tapdıqov açaraq qeyd etmişdir ki, tarix erməni şovinistlərinin zaman – zaman günahsız, dinc azərbaycanlılara qarşı törətdikləri soyqırımları ilə təkrarlanır.1917-ci ildə Rusiyada baş vermiş baş vermiş fevral və oktyabr inqilablarından sonra Bakı Soveti əksinqilabi elementlərlə mübarizə şüarı altında 1918-ci ilin əvvəllərindən başlayaraq bütün Bakı quberniyasında yaşayan azərbaycanlıların çıxarılması məqsədlərini güdən cinayətkar planın, reallaşdırılmasına başlayır.
Müasir,dinamik inkişaf yolunda uğurla addımlayan dövlətimizin apardığı siyasət onun güclü sabahından xəbər verir. .Bunun müqabilində ölkəmizdən kənarda Ulu Öndər Heydər Əliyevin və bu gün də uğurla həyata keçirilən lobbiçilik siyasətinin nəticəsində formalaşan Azərbaycan lobbisi erməni cinayətlərini dünyaya bəyan etməklə, onların murdar və maskalı üzlərini dünyaya daha yaxından tanıdırlar və gec – tez Azərbaycan dövləti öz haqq səsini hər bir kəsə çatdıra biləcəkdir.
Daha sonra natiq öz fikirlərini ” Tariximiz bizim üçün dərs olmalıdır”- söyləyən Ulu Öndər Heydər Əliyevin sözləri ilə tamamladı və hər bir gəncə tariximizi öyrənməyi, keçmişimizi bilib, onun yaxşılarını müdafiə etməyi, səhvlərimizdən isə dərs almağı tövsiyyə etdi.
Çıxışdan sonra Humanitar Fənnlər və tədrisi metodikası kafedrasının dosenti tarix üzrə fəlsəfə elmləri doktoru Məhəmməd Hüseynov məruzə ilə çıxış etdi.
Məruzə ətrafında şəhər 8 saylı tam orta məktəbin direktoru Anar Qasımov, Ağcabədi Pedaqoji Kollecinin Tərbiyəvi işlər üzrə müavini Rövşən Bayramov, Yeni Azərbaycan Partiyası Ağcabədi rayon təşkilatının sədr müavini Teymur Rəhimov və Təhsil şöbəsinin metodisti Niyaz Zeynalov çıxış edərək, ötən əsrdə dörd dəfə - 1905-1906, 1918-1920, 1948-1953 və 1988-1989-cu illərdə ermənilərin azərbaycanlılara qarşı törətdikləri soyqırım və deportasiya siyasəti türklərə qarşı münasibətinin heç vaxt dəyişməyəcəyini acı şəkildə bizlərə göstərdi. Amma tarix də , zaman da heç bir ədalətsizliyi cəzasız qoymur. Təki biz unutqan olmayaq!
Tədbirdə 100 nəfər iştirak etmişdir.
