Ümumdünya Mülki Müdafiə günü münasibəti ilə Ağcabədi rayonunda tədbir keçirilmişdir.

 01 mart 2014- cü il tarixdə  saat 10:30-da Ağcabədi şəhəri S.Vurğun adına 4 saylı tam orta məktəbində  Ümumdünya Mülki Müdafiə günü münasibəti tədbir keçirilmişdir.
   Azərbaycan Respublikası Fövqəladə Nazirliyinin Ağdam Regional Fövqəladə Hallar şöbəsinin rəisinin baş köməkçisi Rövşən Hüseynov iştirak etmişdir.
   Tədbirin məqsədi mülkiyyət formasından asılı olmayaraq dinc əhalinin mühafizəsi sahəsindəki təcrübələrin öyrənilib, təkmilləşməsi idi.
    İlk öncə  tədbir iştirakçıları mülki müdafiə  və fəlakət riskinin azaldılması mövzusunda  şagirdlərə  maarifləndirici məlumat verdilər.
     Tədbirdə çıxış edənlər bildirdilər ki, məqsəd ictimaiyyətin diqqətini məhz qarşıya qoyulan problemlərin hərtərəfli öyrənilməsinə və həllinə yönəltməkdir. Bizə tövsiyyə olunan iş prinsipi dinc əhalinin mühafizəsi sahəsindəki təcrübəni ümumiləşdirib yaymaq, Mülki Müdafiə kadrlarının hazırlanması və təkmilləşdirilməsi, habelə təbii fəlakətlər və iri qəzalar zamanı qarşılıqlı yardımı təşkil etməkdən ibarətdir. Bunun üçün də Mülki müdafiə qüvvələri tərəfindən  əhali arasında istər problemləri həlli baxımından, istərsə də maarifləndirmək məqsədi ilə söhbətlər aparılmış, məşğələlər və məşqlər keçirilmişdir.    
    Çıxışının sonunda  çıxışçılar 01 Mart – “ Beynəlxalq Mülki Müdafiə günü” münasibətilə  hər kəsi təbrik etmiş, hər zaman  qarşıya qoyulan problemlərin həllində , çətin və  şərəfli yolda uğurlar arzulamışdır.