Xocalı Faciəsinin 22- ci ildönümü münasibəti ilə Ağcabədi şəhəri Ş. Hüseynov adına 2 saylı tam orta məktəbində tədbir keçirilmişdir.
26 fevral 2014-cü il tarixdə Ağcabədi şəhəri Ş. Hüseynov adına 2 saylı tam orta məktəbində 26 Fevral – Xocalı Soyqırımının 22 – ci ildönümü münasibətilə tədbir keçirilmişdir.
Tədbirdə ilk olaraq Xocalı Faciəsində şəhid olanların xatirəsi bir dəqiqəlik sükutla yad olunmuşdur. Daha sonra tədbiri Ağcabədi şəhəri 2 saylı tam orta məktəbin direktoru Tahir Əliyev açıq elan edərək, Xocalı Faciəsində erməni mənfurlarının törətdiyi vəhşiliklər barədə məruzə ilə çıxış etmişdir.
Daha sonra məruzə ətrafında məktəbin müəllimləri çıxış edərək, o günün dəhşətləri haqqında tədbir iştirakçılarına məlumat verdilər, şəhidlərə Tanrıdan rəhmət dilədilər.
Tədbirin yekununda məktəbin şagirdlərinin hazırladıqları ədəbi –bədii kompozisiya tədbir iştirakçılarının diqqətinə çatdırılmişdır.
