19 dekabr 2019-cu il tarixdə Gənclər və İdman Nazirliyinin təşəbbüsü, Ağcabədi Rayon Gənclər və İdman İdarəsinin təşkilatçılığı ilə gənclər arasında "Qış möcüzəsi" adlı fotomarafon keçirilmişdir.
Fotomarafon gənclər arasında foto sənətinə marağın artırılması, bu sahədə yeni istedadların aşkar edilməsi, ətraf aləmin gənclər tərəfindən estetik dərk edilməsinin təşviq edilməsi məqsədilə həyata keçirilmişdir. Fotomarafonda yaşı 14-29 olan həm professional, həm də həvəskar 114 nəfər gənc fotoqraflar iştirak etmişdir. Fotomarafona yalnız mobil telefonla çəkilən fotolar qəbul edilmiş və aşağıdakı mövzuları əhatə etmişdir.
• Mənzərə • Memarlıq • Portret • Atributlar • Mətbəx • Yeni il nəfəsi
Fotomarafon aşağıdakı qaydada keçirilmişdir.
• Öncədən ictimai yerlərdə, KİV-də və sosial şəbəkələrdə fotomarafonun keçirilmə yerini və şərtlərini əks etdirən elan verilmiş.
• Fotomarafonun START və FİNİSH vaxtları öncədən Gənclər və İdman Nazirliyi tərəfindən müəyyən edilmiş və rayon Gənclər və İdman İdarəsinə bildirilmişdir.
• Fotomarafonun START-dan öncə 2 gün ərzində Ağcabədi rayon Gənclər və İdaman İdarəsi tərəfindən iştirakçıların qeydiyyatı aparılmış, mövzu seçimi ilə bağlı püşkatma həyata keçirilmiş, hər iştirakçının məlumatları (adı, soyadı,) və seçdiyi mövzu qeyd olunmuşdur.
• Hər iştirakçının yalnız püşkatma zamanı seçilən mövzuda və yalnız bir foto təqdim edəcəyi diqqətə çatdırılmışdır.
• Fotoların toplanılması üçün rayon Gənclər və İdman İdarəsi tərəfindən whatsapp nömrəsi təyin edilmişdir.
• FİNİSH vaxtı elan edildikdən sonra iştirakçılar çəkdikləri fotonu whatsapp vasitəsilə Ağcabədi Rayon Gənclər və İdman İdarəsinə təqdim etmişdirlər.
• Rayon Gənclər İdman İdarəsi tərəfindən toplanılan fotolar mövzular üzrə qruplaşdırılmış, müəllifi haqqında məlumatlar göstərilməklə elektron formada Gənclər və İdman Nazirliyinə təqdim olunmuşdur.
• Fotomarafon qaliblərinin seçimi Münsiflər heyəti tərəfindən həyata keçiriləcəkdir.
• Fotomarafonda qalib gəlmiş şəxs “2 fevral-Azərbaycan Gəncləri Günü”nə həsr olunmuş tədbir zamanı qiymətli hədiyyələrə mükafatlandırılacaqdır.
