Ağcabədi rayonunda bayram şənlikləri keçirilmişdir.

    01 - 06 yanvar 2014- cü il tarixlərində saat 10:00 –da Ağcabədi rayonu Ü.Hacıbəyli adına Qarabağ Muğam Mərkəzində 31 dekabr - Dünya Azərbaycanlılarının Həmrəyliyi günü və Yeni il münasibəti ilə Ü.Hacıbəyli adına şəhər İncəsənət məktəbinin, Ağcabədi şəhər Uşaq musiqi məktəbinin, Hacıbədəlli kənd Uşaq musiqi məktəbinin, Xocavənd kənd Uşaq musiqi məktəbinin, Ü.Hacıbəyli adına Qarabağ Muğam Mərkəzinin kollektivlərinin şəhər 1, 2, 4, 5, 6, 7, 8, 9, 11, 12 saylı tam orta məktəblərinin və şəhər 3 saylı məktəb liseyin şagirdləri üçün hazırladıqları bayram şənlikləri keçirilmişdir.
    Bayram şənliklərində çıxış edən Ağcabədi Rayon İcra Hakimiyyəti Başçısının müavini, İctimai - siyasi və humanitar məsələlər şöbəsinin müdiri Əbülfət Tapdıqov bildirmişdir ki, Ulu Öndər Heydər Əliyevin müəllifi olduğu azərbaycançılıq ideologiyası nəinki azərbaycanlıları, ölkəmizdə yaşayan bütün xalqları, dünyada yaşayan soydaşlarımızı vahid ideya uğrunda birləşdirmişdir. Əminliklə demək olar ki, bu gün dünyanın harasında yaşamasından asılı olmayaraq, hər bir azərbaycanlı Azərbaycan dövlətini özünün Vətəni hesab edir və ölkəmizi dünyada təbliğ edir. Azərbaycanlılar öz dövlətinin olmaları ilə qürur duyur və sahibi olduqları ölkəninin inkişafı üçün bütün addımları atır. Bunun nəticəsində də Azərbaycanın dünyanın ən dinamik inkişaf edən ölkələrindən birinə çevrilməsini qeyd etmişdir.
    Sonda natiq uşaqları 31 dekabr - Dünya Azərbaycanlılarının Həmrəyliyi günü və Yeni il münasibətilə təbrik etmiş, onlara can sağlığı, xoşbətlik və heç zaman onların simalarından uşaq təbəssümünün, xoşbəxtliyinin əksik olmamasını arzulamışdır.
    Daha sonra hazırlanan bayram şənlikləri böyük coşqu ilə davam etdirilmiş və Ü.Hacıbəyli adına şəhər İncəsənət məktəbinin müəllimələri Nərgiz Babayeva və Gülşən Səfərovanın hazırladıqları “QIŞ NAĞILI” adlanan  konsert proqramında 65 nəfər balaca fidanlar tərəfindən oynanılan “Anam Azərbaycan”, “Vals” , “Arşın mal alan”-dan rəqslər, “Cırtdan” , “ Küpəgirən qarı və quldurlarin rəqsi”, “ Özbək rəqsi” , “ Ördəklərin rəqsi” və Yeni İlə həsr olunmuş mahnılar, şerlər   uşaqların böyük marağına və sevincinə səbəb olmuşdur.
    Tədbirdə  “Şaxta baba” və “ Qar qız “   qonaqları salamlamış, onlara 2014-cü il At ilində can sağlığı arzulayaraq, uşaqların yeni il hədiyyələrini paylamış və bayramlarını təbrik  etmişlər.
   Şənlikdə 1550 nəfər iştirak etmişdir.