Ağcabədi şəhər M.Əsədov adına 5 saylı tam orta məktəbdə “Son zəng” tədbiri keçirilmişdir.

   14 iyun 2019-cu il tarixdə Ağcabədi şəhər M.Əsədov adına 5 saylı tam orta məktəbdə  “Son zəng” tədbiri keçirilmişdir. 2018-2019-cu ilin məzunları bu yaddaqalan tədbirdə məktəbin müəllim və şagird kollektivi,dəyərli  olan valideynləri və 11 il bir ailə kimi sevdikləri sinif yoldaşları ilə birlikdə “Son zəng” tədbirini qeyd etmişdilər.Tədbir Azərbaycan Respublikasının Dövlət   himni ilə başladı.Məktəbin direktoru Fəridə Allahverdiyeva tədbiri açaraq, 2018-2019-cu tədris ilində attestat imtahanında yüksək nəticə əldə edən şagirdlərə müvəffəqiyyət arzuladı.Ali məktəbə qəbul olan məzunları və onların valideynlərini bir daha təbrik etdi.Tədbirdə XI sinifin ilk müəllimləri də iştirak edərək məzunlara xoş arzularını  bildirdilər.
  Tədbirdə Ağcabədi rayon İcra Hakimiyyəti başçısının müavini-İctimai-siyasi və humanitar məsələlər şöbəsinin müdiri Naibə Mustafayeva, RTŞ metodisti Ədalət Məmmədov,Tağıyeva Mülayim iştirak edirdilər.Qonaqlar məzunlara yeni yollarında uğurlar arzuladılar.
   Məktəbin müəllimləri şagirdlərlə rəqs edərək məzunlara uğurlar arzulayıb tədbiri daha da şənləndirdilər.Sonra musiqi sədaları altında məktəbin istedadlı şagirdləri öz rəqs və şeirləri ilə çıxış etdilər.Bu günkü tədbirdə XI sinif şagirdləri nə qədər kövrəlirdisə birincilər də o qədər sevinirdi.Məzunları bir də təbrik edən məktəbimizin idmançıları oldu.Davam edən “Son zəng”tədbiri müvəffəqiyyətlə sona yaxınlaşdı.Məzunların köməyi ilə “Son zəng”notlarını birincilər və məzunlar səsləndirərək tədbiri sona çatdırdılar.Hamı bir daha 2019-cu ilin məzunlarına  uğurlar arzuladılar.