Ağcabədi rayonunda “Ticarət müəssisələrində, baza və anbarlarda yanğın təhlükəsizliyinin daha da etibarlı təmin olunması, bu sahədə çalışan işçilərin yanğın təhlükəsizliyi bilgiləri ilə maarifləndirilməsi məqsədilə” mövzusunda tədbir keçirilmişdir.

26 dekabr  2013- cü il tarixdə saat 11:00 –da Ağcabədi rayonu Ü. Hacıbəyli adına “ Qarabağ “ Muğam Mərkəzində  Azərbaycan Respublikası Fövqəladə Hallar Nazirliyi  Dövlət Yanğın Nəzarəti Xidmətinin  Qarabağ Regional Dövlət Yanğın Nəzarəti idarəsinin təşkilatçılığı ilə “Ticarət müəssisələrində, baza və anbarlarda yanğın təhlükəsizliyinin daha da etibarlı təmin olunması, bu sahədə çalışan işçilərin yanğın təhlükəsizliyi bilgiləri ilə maarifləndirilməsi məqsədilə”  mövzusunda  tədbir keçirilmişdir.
   Tədbirdə Azərbaycan Respublikası Fövqəladə Hallar Nazirliyi  Dövlət Yanğın Nəzarəti Xidmətinin .şöbə rəisi polkovnik Hikmət Xudiyev, Azərbaycan Respublikası Fövqəladə Hallar Nazirliyi  Dövlət Yanğın Nəzarəti Xidmətinin təlimatçısı Nizami Fərəcovun, Qarabağ Regional Dövlət Yanğın Nəzarəti idarəsinin rəisi Elvin Hacıyevin və Qarabağ Regional Dövlət Yanğın Nəzarəti idarəsinin əməkdaşı Ruslan Zeynalovun iştirakı  qonşu şəhər və rayonlardan  olan qonaqlarda  iştirak etmişdir.
     Tədbiri giriş sözü ilə açan Ağcabədi  Rayon  İcra  Hakimiyyəti Başçısının müavini,Sosial - İqtisadi  inkişafın  təhlili və  Proqnozlaşdırılması şöbəsinin müdiri Hafiz  Mehdiyev çıxış edərək  yanğın təhlükəsizliyi qaydaları və bu təhlükəsizliyinin təmin olunmasına riayət olunması haqqında ətraflı danışdı. Bununla yanaşı, Hafiz Mehtiyev bildirdi ki, xüsusilə qış fəslində yanğın təhlükəsizliyinə biganə yanaşmaq ciddi fəsadlara, faciələrə yol açar, bu da ki, təbii ki, həm ətraf mühit üçün , həm də insan sağlığı üçün təhlükələr imkan yaradar.
   Daha sonra Azərbaycan Respublikası Fövqəladə Hallar Nazirliyi  və onun fəaliyyəti haqqında qısametrajlı filmə baxış keçirildi.
    Filmdən sonra Azərbaycan Respublikası Fövqəladə Hallar Nazirliyi  Dövlət Yanğın Nəzarəti Xidmətinin təlimatçısı Nizami Fərəcov, Qarabağ Regional Dövlət Yanğın Nəzarəti idarəsinin rəisi Elvin Hacıyev və Qarabağ Regional Dövlət Yanğın Nəzarəti idarəsinin əməkdaşı Ruslan Zeynalov çıxış edərək  ticarıt müəssisələrində yanğın təhlükəsizliyi qaydaları haqqında ,yanğın təhlükəsizliyinin təmin olunması və əhalinin təhlükəsizli üçün lazım olan  zəruri tələblərin yerinə yetirilməsi mövzusunda çıxış etdilər.
    Çıxışlardan sonra bu mövzuda hazırlanmış slayd qonaqlara nümayiş etdirildi.
     Tədbirin yekununda seminar – müşavirə iştirakçılarına “Ticarət müəssisələrinin yanğın təhlükəsizliyi ” adlı yaddaş kitabçası paylandı.
   Tədbirdə 150  nəfər iştirak etmişdir.