Ağcabədi rayonunda Ümumilli Lider Heydər Əliyevin anadan olmasının 96-cı il dönümünə həsr olunmuş futbol idman növü üzrə rayon turniri keçirilmişdir.
26 aprel – 10 may 2019-cu il tarixlərdə Ağcabədi rayonunda Ümumilli Lider Heydər Əliyevin anadan olmasının 96-cı il dönümünə həsr olunmuş məktəblilər arasında futbol idman növü üzrə rayon turniri keçirilmişdir.
Gərgin və maraqlı idman mübarizəsi şəraitində keçən rayon turnirində 49 məktəb komandası iştirak etmişdir.
Rayon turnirində I yerə Mirzə Fətəli Axundov adına şəhər 3 saylı tam orta məktəbin komandası, II yerə Cəmil Quliyev adına Təzəkənd kənd tam orta məktəbin komandası, III yerə isə Hacıbədəlli kənd tam orta məktəbin komandası layiq görülmüşlər.
Qalib komandalara Ağcabədi Rayon Gənclər və İdman idarəsi və Təhsil şöbəsi tərəfindən diplomlar və hədiyyələr təqdim olunmuşdur.
Ağcabədi Olimpiya İdman Kompleksində baş tutmuş turnirin final mərhələsində Ağcabədi Rayon İcra Hakimiyyətinin Başçısı aparatının İctimai-siyasi və humanitar məsələlər şöbəsi müdirinin müavini Təyyar Hacıyev , Rayon Gənclər və İdman İdarəsinin rəisi Rüfət Quliyev , rayon Təhsil Şöbəsinin müdiri İsmayıl Həsənov və digər məhsul şəxlər iştirak etmişdirlər.
