Azərbaycan Respublikasının Prezidenti yanında Gənclər Fondu Ağcabədi rayonunda növbəti qrant müsabiqəsinin şərtləri və müraciət qaydaları barədə təqdimat keçirmişdir.
11 iyul 2013-cü il tarixdə saat 16:00 –da Ağcabədi rayonu Ü.Hacıbəyli adına “Qarabağ” Muğam Mərkəzində Azərbaycan Respublikasının Prezidenti yanında Gənclər Fondu Ağcabədi, Füzuli rayonlarının fəal gəncləri və gənclər təşkilatlarının iştirakı ilə növbəti qrant müsabiqəsinin şərtləri və müraciət qaydaları barədə təqdimat keçirmişdir.
Təqdimatda Azərbaycan Respublikasının Prezidenti yanında Gənclər Fondunun Beynəlxalq Əlaqələr və Strateji Planlaşdırma sektorunun məsləhətçisi Ramin Cəfərov iştirak etmişdir.
Təqdimatda çıxış edən Azərbaycan Respublikasının Prezidenti yanında Gənclər Fondunun Beynəlxalq Əlaqələr və Strateji Planlaşdırma sektorunun məsləhətçisi Ramin Cəfərov III qrant müsabiqəsi, şərtləri, müraciət qaydaları haqqında gəncləri məlumatlandırdı. Gənclərin böyük marağına səbəb olan təqdimat diskussiya şəklində davam etdirildi və gənclər müsabiqə barədə onları maraqlandıran sualları təqdimat iştirakçılarına ünvanladılar.
Təqdimatda iştirak edən bütün gənclərə Gənclər Fondu tərəfindən hədiyyələr verildi və yekunda xatirə şəkili çəkildi.
Tədbirdə 150 nəfər iştirak etmişdir .
