Ulu Öndər Heydər Əliyevin Anım günü ilə əlaqədar olaraq N saylı hərbi hissənin əsgər və zabit heyəti ilə görüş keçirildi
12 Dekabr – Ümummilli Lider Heydər Əliyevin “Anım günü” ilə əlaqədar olaraq 07 dekabr 2017-ci il tarixdə Ağcabədi rayonunda yerləşən N saylı hərbi hissənin əsgər və zabit heyəti ilə Ağcabədi Pedaqoji Kollecinin müəllim və tələbələrinin görüşü olmuşdur.
Tədbirdə Pedaqoji Kollecin müəllimləri Rövşən Bayramov və Bəxtiyar Əliyev çıxış edərək, Ümummilli Lider Heydər Əliyevin Azərbaycan xalqı qarşısında misilsiz xidmətlərindən, Azərbaycanın Dövlət Müstəqilliyinin möhkəmlənməsi, ölkənin iqtisadi inkişafı ilə bağlı fəaliyyətindən, ölkəmizin beynəlxalq miqyasda tanınması və dünya birliyinə inteqrasiya etməsində dahi şəxsiyyət Heydər Əliyevin gördüyü işlərdən danışıblar. Natiqlər eyni zamanda vurğulayıblar ki, Ulu Öndər 14 ildir ki, cismani cəhətdən aramızda olmasa da onun ideyaları yaşayır və Azərbaycan xalqını qələbədən- qələbəyə aparır. Ümumilli liderin siyasi varisi, ölkə Prezidenti, Yeni Azərbaycan Partiyasının sədri cənab İlham Əliyevin rəhbərliyi altında Ulu Öndərin siyasi kursu uğurla davam etdirilir.
