17 iyun – Səhiyyə işçilərinin peşə bayramı münasibəti ilə Ağcabədi rayonunda tədbir keçirilmişdir.

17 iyun  2013-cü  il tarixdə saat 10:00 –da Ağcabədi Rayon  İcra Hakimiyyətinin binası  qarşısında ucaldılmış Ulu Öndər Heydər Əliyevin möhtəşəm abidəsinin önündə 17 iyun – Səhiyyə işçilərinin peşə bayramı münasibəti ilə tədbir  keçirilmişdir.
   İlk öncə  tədbir iştirakçıları Rayon  İcra Hakimiyyətinin qarşısında ucaldılmış Ulu Öndər Heydər Əliyevin möhtəşəm heykəlinin önünə tər çiçəklər düzərək, Ulu Öndər Heydər Əliyevin əziz xatirəsini yad etdilər.
   Daha sonra tədbirdə çıxış edən  Rayon İcra Hakimiyyəti Başçısı Şahin Məmmədov   bildirdi ki, Ümummilli lideri Heydər Əliyevin sərəncamına əsasən Azərbaycan Respublikası Səhiyyə Nazirliyinin yaradılmasını nəzərə alaraq, Tibb işçilərinin peşə bayramı gününün təsis edilməsi haqqında 4 iyun 2001-ci il tarixli sərəncamına əsasən hər il 17 iyun Azərbaycan Respublikası tibb işçilərinin peşə bayramı günü kimi qeyd olunması  müqəddəs və şərəfli işlərində onların əməyinə verilən yüksək qiymətin bariz nümunəsi idi. Bu gün rayonumuzda gedən sosial –iqtisadi inkişafdan, abadlıq – quruculuq işlərində səhiyyə işçiləri öz fəaliyyətləri ilə  heç də geri qalmırlar. Ölkə Prezidenti cənab İlham Əliyevin dəstək və qayğısı nəticəsində, Regionların sosial-iqtisadi inkişafı Proqramına müvafiq olaraq, respublikamızda, o cümlədən Ağcabədi də  sosial-iqtisadi inkişaf siyasətinin uğurla həyata keçirildiyini, əhalinin vəziyyətinin yaxşılaşdığını və bu sahədə işlərin davam etdirildiyini bildirmişdir. 
   Rayon rəhbəri son dövrdə rayonda tikinti-quruculuq işlərinin geniş vüsət aldığını, ölkə Prezidenti cənab İlham Əliyevin müvafiq sərəncamına əsasən rayon ərazisində müasir tələblərə cavab verən 205 çarpayılıq Rayon Mərkəzi Xəstəxanasının  və digər obyektlərin tikintisinin davam etdirilməsini  qeyd etmişdir.
   Rayon rəhbəri çıxışının sonunda bildirdi ki, 2013- cü il Prezident seçkiləri ilidir. Biz ağcabədililər həmişə  olduğu kimi, bu ildə də Ulu Öndər Heydər Əliyevin siyasi xəttinin layiqli davamçısı cənab Prezidentimiz  İlham Əliyevi dəstəkləməklə, Azərbaycanın xoşbəxt gələcəyinin qarantı  İlham Əliyevə səs verəcəyik.  
     Rayon  Rayon İcra Hakimiyyəti Başçısı Şahin Məmmədov yekunda bu bayram günündə  səhiyyə işçilərinin bayramlarını bir daha  təbrik etdi və onlara gələcək işlərində , rayonun abadlıq – quruculuq işlərində uğurlar arzuladı.
   Sonda səmərəli fəaliyyətinə görə bir qrup səhiyyə işçisinə  Rayon İcra Hakimiyyəti Başçısının fəxri fərmanı  verildi.
  Tədbirdə  205  nəfər  iştirak etmişdir.