28 May- Respublika gününə həsr olunmuş AMİ –nin Ağcabədi filialında tədbir keçirilmişdir.

    27 may  2013-cü  il tarixdə saat 11:00–da Ağcabədi  rayon Şəhidlər Xiyabanında və  Azərbaycan Müəllimlər İnstitutunun Ağcabədi  filialında 28 May – Respublika Günü münasibəti ilə ümumrayon tədbiri  keçirilmişdir.
    Tədbir 2 hissədən ibarət olmuşdur. Tədbirin birinci rəsmi  hissəsi saat 11: 00 –da tədbir iştirakçıları  Şəhidlər Xiyabanında Qarabağ müharibəsi şəhidlərinini qəbirləri üzərinə tər qərənfil dəstələri düzmüş və onların ruhunu yad etmişlər.
     Tədbirin ikinci hissəsi saat 12:00 –da AMİ-nin Ağcabədi filialının iclas zalında olmuşdur.
     Tədbiri giriş sözü ilə Azərbaycan Müəllimlər İnstitutunun Ağcabədi filialının direktor əvəzi, dosent Mətanət Fərzəliyeva  açaraq tədbir iştirakçılarını bayram münasibəti ilə təbrik etmiş və Cümhuriyyəti quranların xatirəsini bir dəqiqəlik sükutla yad edilmişdir. Sonra vurğuladı ki, 1918- ci il mayın – 28- də  yaranmış  Azərbaycan Demokrat Respublikasının siyasi varisi olan müasir Azərbaycan Respublikası 1991- ci ildə  öz müstəqilliyini tam qazanmış, qoruyub saxlayaraq, bu gün  Azərbaycan xalqının böyük oğlu, görkəmli dövlət xadimi, Ulu Öndər Heydər Əliyevin uzaqgörən siyasəti nəticəsində müasir dünyamızda öz layiqli mövqeyini qazanmış, cənab Prezident İlham Əliyevin uğurlu siyasəti nəticəsində  dünyanın inkişaf etmiş ölkələri sırasında özünəməxsus yerini tutmuşdur.
    Azərbaycan Müəllimlər İnstitutunun Ağcabədi  filialın Ictimai Təbiət Fənnləri və onların tədrisi kafedrasının dosenti  Məhəmməd Hüseynov  məruzə ilə  çıxış etmiş və daha sonra  filialın Ümumi Fənnlər kafedrasının dosent əvəzləri,  fəlsəfə elmləri doktoru Tahir Kərimli, Mahir Səlimov və Ictimai Təbiət Fənnləri və onların tədrisi kafedrasının dosent əvəzi Yaqub Səmədov   məruzə ətrafında çıxış edərək   Azərbaycan Demokratik Respublikasının 23 aylıq fəaliyyəti geniş təhlil edərək vurğuladılar ki, bu dövlət Azərbaycan xalqının milli mənlik şüurunu özünə qaytarmış və xalqın çoxəsrlik dövlətçilik ənənəsinin olduğunu vurğulamışdılar.
   Yekunda Ağcabədi Rayon İcra Hakimiyyəti Başçısının müavini - İctimai-siyasi və humanitar məsələlər şöbəsinin müdiri Əbülfət Tapdıqov çıxış edərək, 28 may  - Respublika günü münasibəti ilə Ağcabədi rayon ictimaiyyətini təbrik etmiş və qeyd etmişdir ki, Azərbaycan Xalq Cümhuriyyətinin siyasi varisi olan  Müstəqil Azərbaycan Respublikası Ulu Öndər Heydər Əliyevin uğurlu siyasəti nəticəsində milli təməl üzərində öz gələcəyini qurmuşdur. Bugün də Azərbaycan Respublikasının  Prezidenti cənab  İlham Əliyevin düşünülmüş  daxili və xarici siyasəti müstəqilliyimizi möhkəmləndirilməsinə, Azərbaycan xalqının rifahını təmin edilməsinə , tərəqqi, demokratiya yolunda addımlayaraq dövlətimizi daha xoşbəxt gələcəyə aparmağa istiqamətlənmişdir.Bu gün müstəqillik yollarında Cənab Prezidentimiz İlham Əliyevin apardığı uğurlu siyasət nəticəsində Müstəqil Azərbaycan Respublikası günü – gündən güclənir, bütün sosial sferalarda böyük uğurlara imza atır. Ümummilli Lider Heydər Əliyevin siyasətinin uğurla davam etdirildiyini bildirərək , tədbir iştirakçılarını bayram günü münasibəti ilə bir daha  təbrik  etmişdir.
     Tədbirdə  200 nəfər   iştirak etmişdir.