Şriftin ölçüsü :

Saytın rəngi :

Ağcabədi rayonunda “Dövlət Qulluqçularının peşə bayramı” günü qeyd olunub.

22 iyun 2018 | 11:00

    22.06.2018-ci il tarixdə Ağcabədi rayonunda “23 iyun - Dövlət qulluqçularının peşə bayramı” günü münasibətilə tədbir keçirilmişdir. Tədbir iştirakçıları əvvəlcə Rayon İcra Hakimiyyətinin qarşısında ucaldılmış Ulu Öndər Heydər Əliyevin heykəlinin önünə tər çiçəklər düzərək,Ümummilli Liderin əziz xatirəsini yad etmişdilər.

   Ağcabədi Rayon İcra Hakimiyyətinin Başçısı Şahin Məmmədov tədbir iştirakçılarını təbrik edərək bildirmişdir ki, dövlət qulluqçularının peşə bayramı cənab Prezident İlham Əliyevin 2006-cı il 25 may tarixli sərəncamı ilə təsis edilib. Dövlət xidmətinin demokratik, hüquqi və dünyəvi dövlətin yaradılmasındakı rolunu və BMT Baş Assambleyası tərəfindən iyunun 23-nün Birləşmiş Millətlər Təşkilatının Dövlət Qulluğu günü elan edilməsi nəzərə alınaraq bu tarixin Azərbaycanda dövlət qulluqçularının peşə bayramı günü kimi qeyd edilməsi qərara alınıb.
Azərbaycanda müasir dövlət qulluğu sisteminin formalaşdırılması və inkişafında, demokratik, hüquqi və dünyəvi dövlət quruculuğunda Ümummilli Lider Heydər Əliyevin əvəzsiz xidmətləri olduğunu qeyd edən Şahin Məmmədov bildirmişdir ki, ölkəmizdə dövlət qulluğu sahəsində aparılan islahatların ən mühüm nəticələrindən biri 2000-ci il iyulun 21-də qəbul edilən “Dövlət qulluğu haqqında” Qanundur. Bu Qanunla Azərbaycanda dövlət qulluğu sahəsində vahid dövlət siyasətinin formalaşdırılmasının əsası qoyulub, bu sahədə kadr siyasətinin əsas prinsipləri, dövlət qulluqçularının cəmiyyətdəki yeri, onların hüquq və vəzifələri müəyyənləşdirilib. Ölkədə bu istiqamətdə həyata keçirilən tədbirlər dövlət qulluqçularının məsuliyyətini artırmaqla yanaşı, sivil, demokratik və vətəndaş cəmiyyətinin tələblərinə cavab verən dövlət idarəçiliyi sisteminin qurulmasında da mühüm rol oynayır.
Yekunda rayon rəhbəri dövlət qulluqçularını bir daha təbrik edərək hər bir dövlət qulluqçusuna xalqa layiqli xidmət etmək işində uğurlar arzulamışdır.
   Tədbirin sonunda dövlət qulluğunda fərqlənən şəxslərə Ağcabədi Rayon İcra Hakimiyyəti Başçısının Fəxri Fərmanı təqdim olunmuşdur.

Keçidlər